陳淑莊揮春上的肖像，出自社民連「御用」漫畫家Cuson的手筆。（尹錦恩攝）
【明報專訊】公社兩黨「公投」終於上馬，近日遭受中央同建制派連番炮火，相信5個辭職議員壓力都唔細，好多人都關心佢哋「失業」之後有乜嘢搞。社民連「長 毛」梁國雄(相關)就會率先放番幾日假，補番晒前兩年無放過嘅假期！至於公民黨陳淑莊，可能佢見臨近農曆新年，就印好晒揮春派街坊，上面最吸引嘅係印住 Tanya漫畫版嘜頭，Emily呼籲公民黨Fans攞番張！
自爆大學時重130磅過年家家戶戶都會貼揮春，Tanya印嘅揮春係雙面，一面係「萬事勝意」，另一面就係「五區公投」，街坊鍾意貼邊一面都 得，一星期後反轉貼又得！而Tanya漫畫版嘜頭唔似平日斯文形象，原來出自社民連「御用」漫畫家Cuson畫嘅「五區公投」系列漫畫，難怪同社民連感覺 有啲似。
可能「公投」太忙，Tanya愈嚟愈瘦，但佢仍然識講笑話「放假先識肥」；不過佢透露咗個秘密，原來以前大學時代曾經有成130磅，之所以下決心減肥，係事緣一次入鯩，一踏入鯩竟然有少少搖動，於是唯有狠心戒汽水同做運動！
